Балыкчы окуясы боюнча айыпталып жаткандарга байланышкан бүгүнкү сот отурумунда адвокаттар камакта отурган айыпталуучулардын баш коргоо чарасын өзгөртүүнү сурашууда. Муну соттон кийин, түнкүсүн коопсуздук кызматкерлери айыпталуучуларга сурак жүргүзүп жаткандыгы менен негиздеди. Мунун чындыгын сотто айыпталып жаткандар өздөрү да тастыкташты. Алардын бири Мирлан Бообековдун билдирүүсүнө айыптоочу Токтобек Кадыров “сенин тагдырың чечилген” деп жооп кайтарды. Адвокат Баатыр Олжобаев айыптоочунун мындай билдирүүсүн мыйзамга, сот отурумунун эрежелерине сыйбаган билдирүү деди. (BuS)
