Өлкөнүн коргоо министринин орун басары Владимир Поповкиндин “Эхо Москвы” радиосуна айтканына караганда, Франциядан “Мистраль” деп аталган аскерий кемени сатып алуу боюнча сүйлөшүүлөр жүрүп жатат. Эгер Орусиянын НАТОго мүчө Франциядан тик учактарды учуруп –кондурууга жөндөмдүү кемени сатып алуу планы ишке ашса, бул буга чейин болуп көрбөгөн окуя болот. Анткени Экинчи Дүйнөлүк согуштан бери Орусия керек аскерий техниканын баарын өзү өндүрүүчү жана экспортко да чыгарып келет. Коргонуу тармагы боюнча эксперттердин пикиринде, Москванын бул кадамы армияны модернизациялоону тездетүү аракети.
