Кечээ Багдаддагы катар жардыруулардан 95 кишинин өмүрү кыйылып, 300дөн ашык киши жараат алган эле. Ирак армиясынын Багдад боюнча маалымат катчысы генерал-майор Касим Атта 10 офицер суракка алынып жаткандыгын билдирди. Бүгүн Багдадда дагы бомба жарылды: 2 киши набыт болуп, ону жараат алды. Бийликтер чабуулдардын жаңы толкунун "ал-Каида" менен экс-президент маркум Саддам Хусейндин колдоочуларынан көрүп жатышат.
