Биринчи митинг Талас шаарындагы Эшим Кутманалиев атындагы стадиондо 21-июлда өттү. Равшан Жээнбековду коргоо комитетинин лидерлеринин айтымында митингге миңден ашык киши катышты. Бийлик өкүлдөрдү митингге болгону 300 гө жетпеген адам катышты деп белгилешип, митинг шайлоо астында башка максат менен өткөзүлүүдө деп шек санашууда. Митинг уюштуруучулары Равшан Жээнбековго каршы козголгон кылмыш ишин анын өзүнүн катышуусу менен карап, кармоо чарасын өзгөртүүнү талап кылышууда. Азыркы учурда АКШда баш калкалап жүргөн сяасатчыны коргоо боюнча мындай митинг акциялары эми башка райондордо да өткөзүлмөкчү. (UA)
