Кытайдын мамлекеттик массалык маалымат каражаттары Шинжаң уйгур автоном районунда өткөн аптада болгон башаламандыктар маалында 1680 киши жараат алганын кабарлады. Буга чейин бийлик 800 киши жараат алганын билдирген болчу. Үрүмчүдө тополоң маалында 184 киши мерт кеткен. Бирок уйгурлар набыт болгондордун саны мындан да жогору болушу ыктымал экендигин ырастоодо.
