Ишенимдүү булактан алынган мындай маалыматты Борборшайлооком тастыктай элек. БШКнын маалыматына караганда кезектеги отурум бүгүн кечке жуук болот жана анда каралчу маселелер ачыктала элек. БШКнын мүчөсү Абдыжапар Бегматовдун билдиргенине караганда талапкер болуу ниети бар жети жаран чогулткан кол тамгаларды облустук шайлоо комиссиялары 7-июнда текшерип бүтүп, БШКнын карамагына берген. Облустук комиссиялардын тыянактарынын негизинде талапкерлерди каттоо же жарыштан четтетүү бүтүмүн Борбордук шайлоо комиссиясы 17-июнга чейин чыгарышы керек. (BuS)
