Аны КМШ Парламенттер аралык ассамблеянын шайлоолорго байкоо жүргүзүү институту уюштуруп атат. Семинарга ассамблеяга кирген Украина, Армения, Азербайжан, Молдова, Казакстан, Тажикстан өңдүү мамлекеттердин парламент депутаттары, эксперттер жана ЕККУ баштаган эл аралык уюмдардын өкүлдөрү катышат. Кечээ ушул эле курамда ассамблея төрагасы Михаил Кротовдун катышуусунда уюмдун туруктуу комиссияларынын отуруму болгон. Анда сүйлөгөн сөзүндө Кыргызстан парламент төрагасы Айтибай Тагаев КМШ парламентарийлерин президенттик шайлоого байкоочу болууга чакырды. (BuS)
