Кытай бийлиги өткөн жылы зилзаладан талкаланган Сычуан вилайетин туристтер үчүн аймакка айландырарын билдирди. Синхуа маалымат агенттигинин кабарлашынча, туристтерге Сычуандагы толугу менен талкаланган райондорду жана аймактарды көрсөтүү пландаштырылууда. Туризмден түшкөн киреше ушул эле аймактарды калыбына келтирүүгө жумшалмакчы. 2008-жылы май айында Сычуандагы зилзаладан 87 миңге жакын адам набыт болуп, миллиондогон киши турак-жайсыз калган.
