Ооганстандын өнүгүшүнө экстремизм жана террорчулук коркунуч жаратууда. Бул тууралуу аймактык экономикалык конференцияда ооган президенти Хамид Карзай билдирди. Исламабадда өтүп жаткан эки күндүк жыйынга эл аралык каржы институттары, Батыш ынтымакташтары жана аймактагы өлкөлөрдүн лидерлери катышууда. Пакистандын өкмөт башчысы Юсуф Раза Гиланинин айтымында, өз ара кызматташтык жана байланыш террорчулук менен күрөштө мыкты курал болуп бере алат. БУУнун Ооганстандагы чабарманы Кай Эйде катышуучуларды сөздөн ишке өтүүгө үндөдү.
