Өкмөт башчынын депутаттарга айтканы боюнча кыргыз өкмөтүндө кризистен чыгууга багытталган программалар бар. Аларды ишке ашыруу каралууда. “Учурда өлкөдөгү экономикалык жана каржылык кырдаал биздин көзөмөлүбүздө турат. Кризистин алдын алуу үчүн биз кайра иштетүүчү, айыл чарба шаймандарын жасоочу өнөр жайлардан кошумча нарк салыгын алып салдык,” деп белгиледи премьер-министр. Ал экономикалык өсүштү колдоо, кризистин алдын алуу үчүн Өнүктүрүү фондунун ишин жакшыртуу керектигин айтып, парламентке буга байланыштуу мыйзам долбоору келип түшкөндүгүн кошумчалады.(ZKo)
