АКШнын мамлекеттик катчысы Хиллари Клинтон Тегеранды өткөн апта соңунда сегиз жылга абакка кесилген журналист Роксана Саберини тез арада бошотууга чакырды. АКШга тыңчылык кылган деген айып менен соттолгон теги Ирандык америкалык журналистти Европа биримдиги да бошотууга үндөөдө. Буга чейин Ирандын сот бийлигинин жетекчиси Махмуд Хашеми, аппеляциялык арыз «тез жана адилет» каралышы керектигин билдирген. Андан мурда Иран президенти соттолгондор өздөрүн коргоо укуктарынан толук пайдаланышы керектигин айткан.
Европа биримдиги менен АКШ Иранды камакка алынган теги америкалык журналистти бошотууга чакырды
