Бул туурасында аймактагы жергиликтүү лидерлердин бири Баялы Саркулов “Азаттыкка” маалымдады. Анын айтымына караганда учурда Чүйдөгү бейөкмөт уюмдардын өкүлдөрү айыл-айылдардагы эл менен жолугушуп, оппозициянын алдыдагы кадамдары туурасында кеңири маалымат берип жатышат. Бир катар район башчылары акциянын өтүшүнө эч кандай тоскоолдук болбостугун “Азаттыкка” билдиришти. “Бирок 27-март күнү район борборлоруна эл аз келиши мүмкүн, себеби элдин бийликке да, оппозицияга да болгон ишеними өтө солгун”,- деп билдиришет жергиликтүү байкоочулар. (JJ)
