Бул тууралуу “Азаттыкка” билдирген Журналисттер биримдигинин төрагасы Абдыкадыр Султанбаевдин айтымында, Сыргак Абдылдаевге кол салуу боюнча кылмыш ишинин бетин ачууга мамлекет, укук коргоо органдары бардык күч аркеттерин жумшап, кылмышкерлерди жазалоосу керек. Бул алардын башкы милдети. “Бул абдан кейиштүү окуя. Сыргак Абдылдаев өзүнүн аналитикалык курч макалалары менен белгилүү. Буга чейин дагы журналисттерге кол салуу фактылары болуп келген. Мамлекет журналисттердин коопсуздугун коргоо кепилдигин алууга милдеттүү”,-деди Султанбаев. (AJ)
