АКШ Ирактагы армиясынын оодук бөлүгүн келээрки жылдын август айына карата чыгарып кетет. АКШ президенти Барак Обама Ирактагы жаңы максаттары тууралуу жума күнү (27-февралда) Түндүк Каролина штатында америкалык жоокерлер алдында сүйлөп жатып ушундайча билдирди. Обаманын айтымында, коопсуздукту камсыз кылуу жана ирактык коопсуздук күчтөрүн машыктыруу үчүн Иракта 50 миңдей америкалык жоокер кала берет. “Бирок АКШнын Ирактын аймагына, анын ресурстарына ээлик кылуу ниети жок” деп кошумчалады президент Обама.
