“Оорукананын ашканасы былтыркы кышта жер титирөөдөн катуу жабыркап, а түгүл адистер тарабынан иштетүүгө таптакыр тыюу салынган. Кызматкерлерибиздин өмүрүнө коркунуч туулганына карабастан анда дале тамак-аш даярдалууда. Башка аргабыз жок, антпесек, сыркоолор ач калат”, - дейт мекеменин башкы дарыгери Аман Нуралиев. Ош шаар мэриясынан билдиришкенине караганда, ашкананы оңдоого 11 миллион сом сурап өкмөткө дейре кайрылышкан, тилекке каршы, каржы министрлиги ашыкча каражат жок деп алакан жаюуда. (ATo)
