Владивостокто жана Хабаровскто 5 миңдей адам демонстрацияга чыкты. «Биздин тандоого жана тандалууга укугубузду алып коюшканына нааразыбыз. Өз элине каршы жүргүзүлүп жаткан репрессияга каршы чыгып жатабыз, - деп айтты нааразылык акциясынын катышуучуларынын бири Владивосток шаарында. Бул акция өлкөнүн башка шаарларында да уланат деп күтүлүүдө. Москванын өзүндө эле 20 жерде пикет уштурулат. Милиция болсо мыйзамсыз жыйындардын баарына күч колдонула турганын айтып, эскертүүдө. «Азаттыктын» орус редакциясы кабарлагандай, ушул эле күнү бир топ шаарларда өкмөттүн антикризистик планын колдогон акциялар да өтүп жатат. Алар оппозицияга каршылык иретинде уюштурулууда.
