Улуттук телерадиокорпорациянын башкы директору Мелис Эшимкановдун кызматтан кетишин талап кылып, ачкачылык жарыялоого чейин барышкан кызматкерлери талаш административдик жол менен чечилбесе сотко кайрылууга даяр. Мындай маалыматты “Азаттыкка” УТРКнын иштен бошотулган кызматкери Бейшенбек Бекешов билдирди. Анын айтымында, нааразылык акциясына чыккан кызматкерлер мамлекет башчы талапты билет жана чатак жөнгө салынат деген маалымат берилгенден кийин ачкачылык токтотулуп, жыйынтыгын күтүп жатышат. (BD)
