Ооганстандагы эл аралык күчтөр “Талибан” кыймылынын айрым лидерлери менен байланыш түзүшү керек. Бул тууралуу АКШнын Бириккен Улуттар уюмундагы элчиси билдирди. Си-Эн-Эн сыналгысына берген маегинде Залмай Халилзад ийгиликке жетүү үчүн ооган өкмөтү менен коалиция күчтөрү турумдарын азыркыга караганда бекемдеши керектигин белгиледи. Мындан сырткары ооган бийлиги коррупция менен күрөштө көп нерсе жасашы керек деп кошумчалады Халилзад.
