Ишенбай Кадырбековдун баш коргоо зарылчылыгын белгилеген адвокаттардын айтуусунда камакта көп кармоо анын ден соолугуна терс таасирин тийгизет. Мындан тышкары сот жараянында тергөө Ишенбай Кадырбековго каршы бир жактуу жүргүзүлгөнү ачыкталды, дешет алар. Ал эми мамлекеттик айыптоочу Игорь Щугальский Кадырбековдун жубайы Светлана Тыныбекова издөөдө жүргөнүнө негиздеп, курулуш жана архитектура боюнча мамлекеттик агенттиктин мурдагы жетекчисинин баш коргоо чарасын өзгөртүүгө каршы турду. Сот Аман Сариев бул маселеге соттук териштирүүнүн акырында, тагыраак айтканда күбөлөр менен эксперттер суралып бүткөндөн кийин гана кайрыларын билдирди.(ZKo)
