Президент Курманбек Бакиевдин кечээ өкмөт алдына койгон төрт талабынын бири-бизнес жүргүзүү боюнча алдыңкы 50 мамлекеттин катарына кирүү үчүн эң ириде ишкерликти колдоо фонддорун түзүү зарыл. Мындай пикирин “Азаттыкка” Ишкерлер союзунун президенти Чыныбай Турсунбеков билдирди. Мындан тышкары мыйзамдык бюрократияны жоюп, салыктын түрү менен өлчөмүн азайтуу жана мыйзамдардын аткарылышын талап кылуу зарыл. Бирок, Салык кодекси баштаган мыйзамдарды жакшыртып, алардын аткарылышына Башкы прокуратура ак ниеттик жана тактык менен көзөмөл жүргүзүшү абзел.(BD)
