Облустук аялдар кеңеши өткөргөн Орто Азия айлындагы жыйын оппозициянын азыркы иш-аракеттерине нааразылыгын билдирди. Анда «Кызматта турганда оппозициянын өкүлдөрү эл ишенимин актаган жок, жумуштан бошоп калса, бийликти сындамай өнөкөткө айланды, оппозиция президент К.Бакиевдин ишмердүүлүгүнө бут тосууда, бийлик экс-президент менен кошо иштегендерден арылса болот эле» деген сөздөр айтылып, өнөр жай жана энергетика министри С.Балкыбеков элди алдап, президентти уят кылууда» деп белгиленди. Жыйын үймө-үй ислам динине үгүттөгөн дааватчыларга, диний экстремисттерге да наарызылыгын билдирди. Төрайым Айчүрөк Мамажанованын пикиринде, кыргыз эли дин үгүтчүлөрүнө муктаж эмес. (YA)
