Коорупцияны алдын алуу агенттигинин эксперти Бакыт Рысалиев туура эмес маалымат таратты деген негиз менен 4-ноябрда кызматынан алынган. Буга анын 20-ноябрда Коопсуздук Кеңешинин жыйыны өтүп, анда коррупцияга каршы жетиштүү күрөшпөгөн жетекчилерге катуу чаралар көрүлөөрү тууралуу маалымат таратышы себеп болгон. Маалымат кызматынын эксперти бөөдө жерден жабыркады деп эсептеген маалымат каражаттарынын жана журналисттик уюмдардын жетекчилери Рысалиевди кызматтан алуу фактысын кайра кароону агенттиктин жетекчилигине сунушташкан. (BuS)
