Бул тууралуу транспорт жана коммуникация министри Нурлан Сулайманов бүгүнкү маалымат жыйынында билдирди. Анын айтымында, Боинг-737 учагынын кыйрашын иликтеген мамлекеттер аралык авиациялык комитет тыянагын кырсыкка адам фактору себепкер деп чыгарган. Кырсыктан кийин экипаждын командири Юрий Гончаров камакка алынган. 24-августта Бишкек-Тегеран багытындагы Боинг-737 учагы “Манас" аба майданына жакын Жаңы-Жер айылынын жанында кулап түшүп, учактагы 90 кишинин 65и мерт болуп, учактын экипажы аман калган. Күйүктөн жаракат алып Москванын ооруканасына жеткирилген бир өспүрүм бала кийинчерээк ооруканадан каза болгон. (AJ)
