Республикалык психикалык саламаттык борбору өз имаратынан укук коргоочуларды мыйзамсыз чыгаруу аракетин жасап, Октябрь райондук милициянын киришүүсү менен токтотту. Кечээ “Психикалык саламаттык жана коом” коомдук бирикме ушундай билдирүү жасады. Билдирүүдө мындай жагдайдын түзүлүшүнө психикалык саламаттык борборунун каржылык ишмердүүлүгүнө жасалган байкоо тыянактары түрткү болгондугу айтылган. Каржы министрлиги менен кызматташтыктын чегинде “Бюджеттин айкындыгы үчүн” альянсы жүргүзгөн байкоолор Психикалык саламаттык боюнча республикалык борбордон каржылык тартип бузууларды аныктаган. Байкоо жүргүзүүгө борбордун имаратында жайгашкан “Психикалык саламаттык жана коом” коомдук бирикмеси да катышкан. (BuS)
