Түркиянын куррорттук Анталья шаарынан Орусиянын Санкт-Петербург шаарына багыт алган учакта дүрбөлөң салган адам, маалыматтарга караганда, өзүндө бомба бар деп ырастаган. Авиакомпаниянын өкүлүнүн билдиргенине караганда, орусиялык ал жүргүнчү мас болгон. Башка жүргүнчүлөр аны багындырып, тинтүүгө алганда андан эч кандай жардыруучу зат табылган эмес. Бортунда 160тан ашуун жүргүнчү бар учак, бул окуяга карабай багытын улантып, Санкт-Петербургга конду.
