Бул жолу экономика, азыркы финансылык кризиске байланышкан суроолор үстөмдүк кылды. Демократтардын өкүлү Барак Обама ортоңку класс үчүн салыктар кыскартылат деп ишендирди. Республикачыл сенатор Жон Маккейн президенттикке шайланса, кыйынчылыктарга туш болгондордун ипотекалык келишимдерин сатып алып, аларды кайра карап чыгууну өкмөткө тапшыраарын айтты.
