Михаил Саакашвили НАТОго кайрылып, Грузиянын Түндүк Атлантика альянсына мүчөлүккө өтүүсүнө Орусиянын жолтоо болушуна жол бербөөгө чакырды. “Ассошейтед Пресс” маалымат агенттигине курган маегинде, Грузиянын президенти Саакашвили Москва тараптан болгон кысымга жооп кайтарылбаса, Орусиянын агрессиясы бүтпөй турганын билдирди. Кийинки аптада Тбилисиге НАТОнун башкы катчысы Яап де Хооп Схеффер баштаган делегация келери күтүлүүдө.
