3-4-июнь күндөрү Бишкекте Саламаттыкты сактоо кеңешинин кезектеги төртүнчү отуруму өтөт. “Ак кеме” мейманканасында өтө турган жыйынга Евразия экономикалык шериктештик уюмуна кирген өлкөлөрдүн өкүлдөрү, Белорусия, Орусия, Тажикстан, Өзбекстан, Казакстандын Саламаттыкты сактоо министрлери, адистер келишет. Кыргызстан тараптан жыйынга Саламаттыкты сактооо министри Марат Мамбетов катышмакчы. Отурумду Евразия экономикалык шериктештик уюму менен Кыргызстандын саламаттыкты сактоо министрлиги уюштурууда. Бул тууралуу аты аталган министрликтин маалымат кызматы маалымдады. (IJz)
