Өкмөт көмүскө экономиканы ачыка чыгаруу боюнча программа жана иш чаралардын планын өткөн жылы кабыл алган. Ал боюнча 2007-2010-жылдары тийиштүү иштер жүргүзүлүш керек эле. Бирок өкмөттүн бүгүнкү жыйынында айкын болгондой ал программа аткарылбай турат. Ага аны аткарууга кыска убакыт берилиши, мүлк жана акча каражаттарын легалдаштыруу боюнча мыйзамдын эч кандай натыйжа бербеши, техникалык башкаруу жагында дурус иштер жүрбөгөнү себепкер болгон.Эми экономика жана соода министри көмүскө экономиканы ачыка чыгаруу боюнча программаны бир ай ичинде кайра карап чыгып, өкмөткө сунуштамай болду.(AiT)
