Референдумга байкоо жүргүзүүгө катышкан “Интербилим” коомдук уюмунун жетекчиси Асия Сасыкбаева добуш берүү боюнча БШК тарабынан берилген маалыматтар менен макул эмес. Анын айтуусунда добуш берүүгө шайлоочулардын 15 пайызга жакыны гана катышты. “Бул дагы улам автоунаа менен элди ташуудан кийинки көрсөткүч, муну биздин бардык аймактарыбыздагы байкоочуларыбыз тастыкташат. Участкалык комиссиялардын өздөрү деле жогору жактан көрсөтмө болгондугун ачык эле айтып жатышпайбы,”-дейт Асия Сасыкбаева. (ZKo)
