Астанада ал казак президенти, өкмөт башчысы менен жолугуп, Казакстандагы Кашаган мунай кенин иштетип жаткан италиялыктар башкарган Ени консорциумунун тегерегиндеги чатакты жөнгө салууга аракеттенмекчи. Ени компаниясы 2005-жылдан бери Кашагандан мунай өндүрүп баштоону бир нече ирет кийинкиге жылдырып, өндүрүштү баштоого кеткен чыгымдын өлчөмүн кыйла көбөйткөн. Казак өкмөтү Кашагандагы иштерди токтотуп, Ени консорциуму менен түзүлгөн келишимди жокко чыгараарын эскерткен.
