Акыйкатчы Турсунбай Бакир уулу шаардык Өспүрүмдөрдүн саламаттыгын калыбына келтирүү борборунда балдар укугу кандай деңгээлде сакталып жаткандыгын жана алардын бул мекемеде кармалышынын мыйзамдуулугун текшерип чыкты. Анын жүрүшүндө борборго түшкөн балдар эмерексиз бөлмөдө кармала тургандыгы, алардын арасында ата-энеси менен жашаса дагы, бирок милиция кызматкерлери тарабынан кармалып, кокусунан бул борборго түшүп калган өспүрүмдөр дагы бар болгондугу маалым болду. Эл аралык уюмдардан “Эвричайлд” кайрымдуулук уюму аталган борборго каржылык жардам көрсөтүп келет. (ZMa)
