Өнөр жай, энергетика,отун ресурстары министри Игорь Чудинов парламенттик угууда ушунтип билдирди. Министрдин айтымында, мындан тышкары аталган ГЭСтер экспортту көбөйтүп, калкты 15 миң жумушчу орун менен камсыздайт. Камбарата-2 ГЭСинин курулушу 6-8, Камбарата-1 ГЭСинин курулушу 2-5 жылга эсептелип, аларга 2 миллиард доллардын тегерегинде каражат сарпталат. Парламенттик угууда ГЭСтердин өзгөчө макамдары тууралуу мыйзам долбоору талкууланууда. Долбоордо Камбарата ГЭСтеринен өзгөчө макамды алып салуу каралган. Мыйзам кабыл алынса ГЭСтерди Казакстан, Орусия менен биргелешип курууга жол ачат. Бул маселе парламентте өткөн аптадан бери кызуу талкууну жаратууда.(BuS)
10:30 Камбарата-1, Камбарата-2 ГЭСтери ишке кирсе Борбор Азиядагы энергетика проблемасы чечилет
