Табийгый газды уурдап жагуу былтыркы төрт айга караганда быйыл 5 пайызга азайганы менен газга болгон карыз 63,8 миллион сомго жетти. Майлуусуу шаарындагы электр шамдарын чыгаруу заводу 39 миллион сомдук карызын төлөй албай келатат, карызды өндүрүү боюнча ишкана менен «Кыргызгаз» мекемесинин ортосунда келишим түзүлдү. Карыздын андан кийинки көп бөлүгү Жалалабат жана Майлуусуу шаарларындагы «Теплокоммунэнерго» ишканаларына тиешелүү. Мындай маалымат 26-апрелде облустук газчарба башкармасынан алынды. Башкармалыктын маалыматы боюнча прокуратура, сот уюмдарына кайрылуу менен керектөөчүлөрдөн 2 миллион сомго жакын карыз акча өндүрүлдү.(YA)
