Жалалабат шаарында бийликке дайыма сын айтып, оппозициянын бардык иш-аракеттерине катышып жүргөн Урниса Турдиева 6-апрелде психиатриялык ооруканага жаткырылган. Аны ооруканага шаардык ички иштер бөлүмүнүн кызматкерлери үйүнөн алып кетишкен. У.Турдиеванын жакын туугандары жана "Ата Мекен" партиясынын облустагы бөлүмү аны ооруканага жаткырууга губернатордун орунбасары көрсөтмө берген деп айтышууда. Губернатордун орунбасары К.Талиева өз кезегинде бул айыптоону төгүндөп, У.Турдиеваны билбей тургандыгын билдирди. (YA)
