Шаардагы борбордук аянтта миңге чукул кишинин катышуусу менен март ыңкылабынын эки жылдыгына карата жыйын болуп өттү. Анда ыңкылаптын катышуучулары, облус губернатору Искендер Айдаралиев сөз сүйлөшүп, анда Жалалабат шаарына “Баатыр шаар” наамын берүү, ыңкылаптын айрым идеалдары ишке ашырылбай калгандыгы тууралуу айтылды. Жыйынга катышкан кээ бир байкоочулар быйылкы жылы ыңкылаптын эки жылдыгы облуста майрам шаңы жок, суз өткөндүгүн белгилешти.
