СТАМБУЛ. Түркиянын Стамбул шаарында армян азчылыгынын кызыкчылыгын коргогон журналист Хрант Динкти акыркы сапарга узатышты. Өткөн жума күнү киши колдуу болуп өлгөн журналист менен коштошуу үчүн миңдеген адамдар чогулушту. Журнаалистти өлтүргөн 17 жаштагы өспүрүм бала колго түштү жана жасаган кылмышын мойнуна алды. Жума күнү ал Динк иштеген "Агос" гезитинин кеңсесинин жанында Динкти үч ок менен өлтүрүп кеткен. Дикти акыркы сапарга узатуу диний жөрөлгөсү армян Ортодокс чиркөөсүндө өткөрүлдү.
