Депутат Камчыбек Ташиевдин айтымында, депутаттык топ Конституциянын жаңы редакциясын иштеп чыкты. Аны кабыл алууга элүүдөн ашык депутат макул болуп жатат. 9-ноябрда жаңы Конституция кысым менен кабыл алынып, андагы көпчүлүк нормаларды ишке ашыруу мүмкүн эмес. Анын кесепетинен өлкө юридикалык туңгуйукка кептелди. “Ошол туңгуйуктан чыгуунун жолу, депутаттык топ кайрадан иштеп чыккан Баш мыйзамдын жаңы редакциясын парламентте талкуулап, тынч маанайда кабыл алыш керек. Биз сунуштаган жаңы редакцияда токсон депутаттын ордуна жетимиш беш депутат болушу керек”, -дейт Ташиев.
