“ХИПИКке каршыбыз” коомдук демилге тобунун билдирүүсү боюнча, келерки жумада дагы күн сайын жаштардын жана жарандык коомдун катышуусу менен Дүйнөлүк банктын, Улуттук банктын, Өкмөт үйүнүн, Жогорку Кеңештин жана каржы министрлигинин имараттарынын алдында Кыргызстандын ХИПИК программасына кирүүсүнө каршы пикеттер уюштурулуп, мезгил-мезгили менен жөө жүрүштөр болуп турмакчы. Бул жумадагы нааразылык акциясынын негизги өзөгүн ХИПИК программасынын алкагында баасын жогорулатуу тууралуу сөз болуп жаткан электр энергиясына байланыштуу маселе түзмөкчү.
