«Жарандар коррупцияга каршы» укук коргоо борборунун Ассамблеясы жума күнү региондордогу өкүлдөрүнүн катышуусу менен жыйын өткөрүп, анда учурдагы кырдаал жана келерки жылдын иш багыттары талкууланды. Ассамблеяда «Реформа үчүн» кыймылдын мүчөлөрүнө жасалып жаткан кысым, ХИПК программасы, коррупция, жакырчылык, КТРди коомдук телекөрсөтүүгө айлантуу маселелери боюнча ойлорун ортого салышты. Жыйын катышуучулары келерки жылдан тарта мамлекеттик аппарат менен атуулдук сектордун биргелешип иштөөсүнүн жаңы этабын баштоону жакташты.
