БИШКЕК. Бүгүн түштөн кийин "Алатоо" аянтында башталган "Реформа үчүн" кыймылдын митингинде сөз сүйлөгөн депутат О.Текебаев Конституциянын жаңы редакциясынын кабыл алынып, кол коюлушу улуу иштерди башталышы гана экенин, алдыда дагы далай түйшүктүү жана жоопкерчиликтүү иштер турганын белгиледи. Анын айтымында, эми гана иш ордунан козголду жана толук кубанууга али эрте. Экс-спикер тилектештерин саясий маданиятты көтөрүп, жаңы системаны калыптандырууда көп иштер бар экенин белгилед. Анын пикиринде, Конституциянын жаңы редакциясы боюнча президент бийлик бутактарынын ортосунда арбитр катары аныкталды.
