Кечээ күнү Багдад шаарынын ар башка аймактарында жети жарылуу болуп, кеминде сегиз адам набыт кетти жана дагы 80 киши жараат алды. Тикрит шаарында согушкерлердин чабуулунан төрт америкалык аскер курман болду. Андан тышкары өлкөнүн ар башка айыл-кыштактарында 32 адамдын өлүгү табылды. Өлкөнүн жаңы шайланган премьер-министри Жавад ал-Малики болсо өкмөт мүчөлөрүн тандап жатат, ал ишти бүтүрүү үчүн президент ага 30 күн берген.
