Орусиянын президенти Владимир Путин жана Кытайдын премьери Вен Дзябао Куала-Лумпурда жолугушуп, Сунгари дарыясына агып кетип, Орусиянын чек арасына чукулдап калган миңдеген тонна бензолдун тегерегиндеги кырдаалды талкуулашты. Куала-Лумпурда өткөн жолугушуудан кийин Путин: “Кытайдын премьери экөөбүз Амур дарыясынын булганышын талкуулап, айлана-чөйрөнү коргоодо биргелешип аракеттенүүнү макулдаштык”, - деп билдирди. Кытайдын өкмөт башчысы 13-ноябрда химиялык заводдогу кырсыктан улам эки өлкөнү экологиялык алааматка кептеген окуя үчүн өкүнүп турганын белгиледи.
