НАРЫН. 7-сентябрдан 8-декабрга караган түнү жааган кардын өлчөмү Нарын шаарында эртең мененки саат тогузда 12, ал эми саат он бешке карата 20 сантиметр болгондугун Нарын гидромет бюросунун метеорологу Гүлмира Шералиева жооп кылып, ал эми Нарын шаарынан 40 чакырым чыгыш тарапта жайгашкан Экинарын айылында кар мындан эки эсе көп жаагандыгын кошумчалады. Нарын автовокзалынын кызматкери Чынара Абдылдаева Нарындан Атбашы районунун үч ыптасына жана Нарын районунун эки тарабына каттоочу автобустар токтотулгандыгын телефон аркылуу билдирди. Ал эми №41 жол тейлөө ишканасынын жетекчиси Кубан Өмүралиев Долон, Кызылбел ашууларында грейдерлер иштеп жаткандыгын, бирок айылдар аралык жолдор күрөлө электигин маалымат кылды.
