Европа Биримдиги Иранга өзөктүк программасынын тегерегиндеги сүйлөшүүлөрдү баштоо алдында убакыт берүүгө макул болду. Атомдук энергия боюнча эл аралык агенттик бейшембиде Венада өткөн жыйында Тегеран маселесин Улуттар уюмунун Коопсуздук кеңешине сунуш кылуу демилгесин талкуулады. Жыйында Евробиримдиктин МАГАТЭдеги элчиси Питер Женкинс Иранга дагы убакыт берүүнү сунуш кылды. АКШ, Евробиримдик жана дагы бир катар мамлекеттер Иран байытылган уранды кооптуу курал даярдоо максатында өндүрүп жатат деген пикирде. Тегеран байытылган уран электр өндүрүүгө пайдаланылат, деп кайталап келатат.
