Кабар агенттиктери АКШ аскерлери Өзбекстандагы аба базасынан толугу менен чыгып кеткенин маалымдашты. “Ассошиэйтед пресс” агенттигине АКШнын Ташкендеги элчилигинин өкүлү дүйшөмбүдө Ханабаддагы базадан акыркы учак жол тартканын билдирген. Карши-Ханабаддагы аба базасы АКШнын Ооганстандагы аскердик операциялары башталганда ачылган жана май айында Анжыянда орун алган кандуу окуялардан кийин өзбек өкмөтүнүн дарегине Вашингтон сын пикир айта баштаганда ырасмий Ташкен базаны бошотуу талабын көтөрүп чыккан.
