Азербайжандагы парламенттик шайлоодо жеңилип калган 500дөй оппозициялык талапкер 16-ноябрда Бакуда форум өткөрүп, добуш берүүнүн жыйынтыгын жокко чыгарууну жана жаңыдан шайлоо өткөрүүнү талап кылышты. Расмий маалыматтар боюнча, 6-ноябрдагы шайлоодо парламенттеги 125 орундун жарымына жакынын бийликчи “Йени Азербайжан” партиясы утуп алды. Форумдун катышуучулары шайлоонун жыйынтыгын тааныбай тургандыктарын кабыл алынган билдирүүдө белгилешти.
