Ауманн - Израилдин жана АКШнын жараны, Иерусалимдеги жөөт университетинин профессору. Шеллинг – америкалык илимпоз, Мерилэнд штатындагы университетте профессор. Эки илимпоз тең “интерактивдүү чечимдер теориясын” иштеп чыгууга кошкон салымы үчүн Нобель сыйлыгына арзыды. Бул теорияда айрым адамдардын, компаниялар менен өлкөлөрдүн экономикалык кызматташтыгында бирде ийгиликке, а кээде чыр-чатакка алып келген себептер иликтенип, алардын табияты чечмеленет.
