Бириккен араб эмираттарынын англис тилдүү "Халиж таймс" гезити кечээ күнү жазып чыккан маалыматты Иран президентинин жардамчылары бүгүн жокко чыгарды. Гезит Иран президенти Махмуд Ахмадинежад менен жасалган интервьюну жарыялаган жана анда президент - эгер Ирандын өзөктүк изилдөөлөрүнөн чыккан маселе Бириккен Улуттардын Коопсуздук Кеңешинин күн тартибине коюлса, Тегеран мунай экспортун азайтышы мүмкүн деп билдирген. Тегерандын айтымында, Ахмадинежад эч кимге андай интервью берген эмес.
