АКШ Анжиян окуясы боюнча айыпталуучулардын көрсөтмөсүн четке какты

Анжиян окуясын жасоого АКШнын элчилиги эч кандай каржылык колдоо көрсөткөн эмес. Мындай билдирүүнү бүгүн АКШнын мамлекеттик департаментинин өкүлү Шон Маккормак Анжиян окуясы боюнча соттолуп жаткан бир адамдын “АКШнын элчилиги колдогон” деген көрсөтмөсүнө жооп кылып жасады:

- Анжиян окуясына байланыштуу - биз бул шаардагы кандуу окуяны эл аралык көз карандысыз иликтөөдөн өткөрүү керек деген идеяны колдоону уланта беребиз. Ал эми бул окуяга биздин элчилик аралашкан деген билдирүү эч негизсиз.